Hewlêr (Rûdaw) – Berê vê sibehê li ser rêya Kerkûk û Hewlêrê 3 otomobîlan li hev xist.
Piştî qezayê êgir girt otomobîlan û 5 kesên di wan de şewitîn û mirin, 2 kes jî birîndar bûn.
Qezayê li nêzîkî gundê Nebiyaweyê yê di navbera Kerkûk û Pirdê de rû da.
Polîsê Pirdê ji Tora Medyayê ya Rûdawê re ragihand ku 3 otomobîlan li hev daye.
Li gorî daxuyaniya polîsan, 5 kesên ku di otomobîlan de şewitîne mirine û 2 birîndar hene.
Birîndar vehugastine nexweşxaneyan û tedawiya wan berdewam dike.
Şahidê ku dîmen ji Rûdawê re şandine diyar kir ku 2 otomobîl gelekî bi lez diçûn.
Hat zanîn ku ji sedî 70yê laşê birîndarekî şewitiye û 5 kesên mirî ji Kerkûk û Bexdayê ne.
Li ser rêya Kerkûk û Hewlêrê 3 otomobîlan li hev xist
— RudawKurdi (@RudawKurdi) August 23, 2024
🛑Piştî qezayê êgir girt otomobîlan û 5 kesên di wan de şewitîn û mirin, 2 kes jî birîndar bûn. pic.twitter.com/7bzIvw3oKP
