Erdogan bi serkirdeyên Herêma Kurdistanê re civiya

Hewlêr (Rûdaw) – Serokkomarê Tirkiyeyê Recep Tayyîp Erdogan piştî serdana xwe ya Bexdayê gihişt Hewlêra paytexta Herêma Kurdistanê.

Serokê Herêma Kurdistanê Nêçîrvan Barzanî û Serokwezîr Mesrûr Barzanî li gel şandeyeke berfireh li Balafirgeha Navneteweyî ya Hewlêrê Serokkomarê Tirkiyeyê Recep Tayyîp Erdogan û şandeya pê re pêşwazî kir.

Nêçîrvan Barzanî û Mesrûr Barzanî li Balafirgeha Hewlêrê Serokkomarê Tirkiyeyê Recep Tayyîp Erdogan pêşwazî kir pic.twitter.com/teVF3o43s6

— RudawKurdi (@RudawKurdi) April 22, 2024

Erdogan îro çû Bexdayê û li wê derê Serokwezîrê Îraqê Mihemed Şiya Sûdanî pêşwaziya wî kir.

Erdogan û şandeya pê re bi Mihemed Şiya Sûdanî re hevdîtinek pêk anî.

Piştî hevdîtinê di navbera Tirkiye û Îraqê de ji bilî Peymana Projeya Rêya Geşepêdanê 25 peymanên din hatin îmzekirin.

Serokê Herêma Kurdistanê Nêçîrvan Barzanî, Serokwezîr Mesrûr Barzanî û Cîgirê Serokwezîr Qûbad Talebanî bi Serokkomarê Tirkiyeyê Recep Tayyîp Erdogan û şandeya pê re civiyan

Civîna aliyan li Serokatiya Herêma Kurdistanê bi rê ve diçe pic.twitter.com/oeMIY0IWNo

— RudawKurdi (@RudawKurdi) April 22, 2024

Erdogan bi Serok Mesûd Barzanî, Serokê Herêma Kurdistanê Nêçîrvan Barzanî û Serokwezîr Mesrûr Barzanî re civiya.

Civîna aliyan li Serokatiya Herêma Kurdistanê bi rê ve çû.

Serok Mesûd #Barzanî û Serokkomarê Tirkiyeyê Recep Tayyîp Erdogan li Serokatiya Herêma #Kurdistan'ê di civînê de ne pic.twitter.com/ObjEr0t4br

— RudawKurdi (@RudawKurdi) April 22, 2024

Tê gotin ku ji bilî pêwendiyên dualî di hevdîtinan de mijara hinartina petrolê ya Herêma Kurdistanê jî ku par hatibû rawestandin, hat rojevê.

Şandeya bi Erdogan re ji Wezîrê Karên Derve yê Tirkiyeyê Hakan Fîdan, Wezîrê Navxwe yê Tirkiyeyê Alî Yerlîkaya, Wezîrê Parastinê yê Tirkiyeyê Yaşar Guler, Wezîrê Enerjiyê yê Tirkiyeyê Alparslan Bayraktar, Wezîrê Bazirganiyê yê Tirkiyeyê Omer Bolat, Serokê Îstixbarata Tirkiyeyê (MÎT) Îbrahîm Kalin û çend wezîr û berpirsên bilind ên Tirkiyeyê pêk hat.

Serokkomarê Tirkiyeyê Recep Tayyîp Erdogan gihişt Hewlêrê

Nêçîrvan Barzanî û Mesrûr Barzanî Serokkomarê Tirkiyeyê Recep Tayyîp Erdogan pêşwazî kir pic.twitter.com/fhqM6ImKly

— RudawKurdi (@RudawKurdi) April 22, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger