Hewlêr (Rûdaw) - Li navçeya Sêweregê ya parêzgeha Rihaya Bakurê Kurdistanê xwişk û birayê biçûk ji bo ku honik bibin, ketin çem û tê de xeniqîn.
Li gundê Altinahirê yê Sêweregê Zîlan (8) û Mustafa Kurumlu (5) ji malê derketin û winda bûn.
Malbat li wan geriya lê ti xeber ji wan hilneda û cendirme ji rewşê agahdar kirin.
Bi piştgiriya ekîban xebata lêgerînê dest pê kir.
Di xebatan de hat tesbîtkirin ku xwişk û bira ketine çemê nêzîkî gundî.
Zarok di çem de hatin dîtin.
Tîmên tenduristiyê her du zarok veguhastin exweşxaneya Dewletê ya Wêranşehirê.
Li gel midaxaleyê xwişk û bira xelas nebûn û mirin.
