Hewlêr (Rûdaw) – Ji grûpeke çiyager du kes li çiyayê Agiriyê yê Bakurê Kurdistanê wenda bûn.
Çiyayê Agiriyê çiyayê herî bilind ê Kurdistanê ye yek ji navendên girîng ên geştiyariyê ye.
Bilindahiya Çiyayê Agiriyê zêdetirî 5 hezar metreyan e.
Di demsala havînê de çiyager ref bi ref berê xwe didin bilindtirîn çiyayê Kurdistanê yê Agiriyê.
Grupeke çiyagerên ku dixwest bi çiyayê Agiriyê hilkişin li bilindahiya 5 hezar û 137 metreyan mijê bi ser wan de girt û ba bager rabû.
Ji wê grûpê du çiyagerên di nav ba û bagerê de man û wenda bûn.
Çiyageran agahî da tîmên hawarçûnê ku du hevalên wan rizgar bikin.
Li ser agahdarkirinê tîmên pêwendîdar çûn cihû bûyerê.
Herwiha tîmeke çiyagerên pispor jî çû cihû bûyerê da ku li çiyagerên wenda bigerin.
.webp&w=3840&q=75)