Hewlêr (Rûdaw) - Li navçeya Çirmikê ya ser bi parêzgeha Meletiyê ve û navçeya Goksunê ya ser bi parêzgeha Mereşê ve yên Bakurê Kurdistanê, du erdhejên cuda çêbûn.
Li Bakurê Kurdistanê, piştî erdheja 6ê Sibata 2023an a Mereşê erdhejên paşekî berdewam in. Rêveberiya Karesat û Rewşên Bilez (AFAD) a Tirkiyê ragihand ku li navçeya Çirmikê ya ser bi parêzgeha Meletiyê ve roja 19ê Hezîranê di demjimêr 03:30an de bi hêza 4.4 pile erdhejek çêbûye.
Li gor zanyariyên ku Rêveberiya Karesat û Rewşên Bilez (AFAD) a Tirkiyê belav kirine, erdhej bi kûrahiya 3.3 kîlometre binê erdê çêbûye.
Li navçeya Goskunê ya Mereşê jî roja 19ê Hezîranê di demjimêr 04:21an de bi hêza 4 pile erdhejek çêbû. Erdhej di kûrahiya 7 kîlometreyan de çêbûye.
Her wiha roja 18ê Hezîranê di demjimêr 18:36an de li navçeya Şîro (Puturge) ya Meletiyê bi hêza 4.6 pile erdhejek çêbû. Erdhej di kûrahiya 7.06 kîlometre binê erdê çêbûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse