Hewlêr (Rûdaw) - Girtiyê nexweş Şehmuz Îlhanê ku 30 salî girtî ma, ji girtîgehê derket û vegeriya Şirnexê.
Şehmuz Îlhan 30 sal in girtî bû û herî dawiyê li Girtîgeha Wanê dihat girtin.
Li gorî nûçeya Ajansa Mezopotamyayê (MA), Şehmuz Îlhan sala 1994an li navçeya Silopiyayê ya Şirnexê hat desteserkirin û rastî şkenceyên giran hat.
Dadgeha Ewlehiyê ya Dewletê (DGM) bi îdiaya "Xerakirina yekitî û yekparçeyiya dewletê” cezayê heta hetayê li Şehmuz birî.
Şehmuz Îlhanê nexweş piştî ku hat berdan vegeriya Şirnexa Bakurê Kurdistanê.
Şehmuz Îlhanê li Silopiyayê ji hêla Parlamenterê Partiya Gelan a Wekhevî û Demokrasiyê (DEM Partî) ê Şirnexê Mehmet Zekî Îrmez, endamên Meclisa Dayikên Aştiyê, TUHAD-DER û Tevgera Jinên Azad (TJA) ve hat pêşwazîkirin.
Piştî pêşwazîkirinê Îlhan û girse bi hev re derbasî mala malbata wî ya li Silopiyayê bûn.
Girtiyê nexweş Şehmuz Îlhanê ku 30 salî girtî ma, ji girtîgehê derket û vegeriya Şirnexê
— RudawKurdi (@RudawKurdi) May 19, 2024
🟢Şehmuz bi tilîliyan hat pêşwazîkirin û du kevokên spî firandin pic.twitter.com/V7XvuWMbRR
