prev
next
Hewlêr (Rûdaw) - Serokê Herêma Kurdistanê, Balyozê Îtalyayê yê Îraqê Nicolo Fontana û şandeya pê re pêşwazî kirin.
Serokatiya Herêma Kurdistanê li ser civîna Serokê Herêma Kurdistanê Nêçîrvan Barzanî û Balyozê Îtalyayê yê Îraqê Nicolo Fontana daxuyaniyek belav kir.
Di hevdîtinê de, pêwendiyên di navbera Îraq û Herêma Kurdistanê û Îtalyayê, pêşhatên dawî yên li herêmê û mijarên hevkariyê hatin gotûbêjkirin.
Serokatiya Herêma Kurdistanê diyar kir ku aliyan daxwaza xwe ya hevbeş a ji bo bipêşxistina pêwendiyên dualî û zêdekirina hevkariyên di warên cuda de anî ziman.
Nêçîrvan Barzanî destnîşan kir ku pêvajoya avakirina kabîneya nû ya Hikûmeta Herêma Kurdistanê bi awayekî “erênî” berdewam e.
Di hevdîtinê de ku Konsulê Îtalyayê yê Hewlêrê jî amade bû.
Hat destnîşankirin ku ji bilî pêşhatên li herêmê, rewşa Sûriye û Rojavayê Kurdistanê, pêvajoya nû ya li Tirkiye û Bakurê Kurdistanê û mijarên din ên herêmî jî hatin gotûbêjkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse