Hewlêr (Rûdaw) - Li mizgefteke navçeya Pasûrê ya Amedê, qeymeqam bi mîkrofonê li mele xist û jê re got, “Ma tu terorîst î?”
Li gorî agahiyan, qeymeqamê navçeya Pasûrî ya Amedê Burak Akeller piştî nimêja îniyê çû gel meleyê mizgeftê û bi mîkrofonê lê xist.
Hat zanîn ku Akeller, bi hinceta ku şêweyê xudbeya mele neecibandiye lê xistiye.
Mîkrofona wî jî biriye
Piştî bûyerê, meleyê bi navê M.K. rapora derbê wergirtiye û giliyê qeymeqam kiriye.
Li ser giliyê mele, parêzvanên qeymeqam careke din li mele xist û mîkrofona wî birine.
“Ev serserîtiye”
Serokê giştî yê Diyanet-Senê Alî Yildiz li ser bûyerê daxuyanî da.
Yildiz di daxuyaniya xwe de behsa qeymeqam kir û got:
“Qeymeqamê Pasûrê... Tu qeymeqam î yan pêxwas î?
Li navçeya Pasûrê Serokê me yê navçeyê Diyanet-Senê hevalê me yê îmam-xetîp, li pêşiya civatê, xudbeya ku Serokê Karûbarên Olî amade kiriye xwend.
Lewra midaxelekirina kirêt a li hevkarê me provakasyon e.
Piştî nimêjê bi alîkariya parêzvanên xwe, mele birine odeyekî û tundî lê kirine. Ev serserîti ye.
Em dizanin ku piştî tundiyê parêzvanên wî çûne û mîkrofon birine.
Em dê derbarê bûyerê de bi parêzgariyê re biaxivin û bûyerê jî ji nêz ve bişopînin.”
.webp&w=3840&q=75)
