Hewlêr (Rûdaw) - Parêzgara Helebceyê Nûxşe Nasihê li parêzgehê 2 rojan şîna giştî ragihand.
Hat zanîn ku ji ber di agirê daristanan de 2 welatiyan canê xwe ji dest daye 2 rojan şîna giştî hat ragihandin
Qaymeqamê Helebceyê Simko Sala jî got, “Agir careke din geş bûye.”
Parêzgariya Helebceyê daxuyaniyek belav kir û got, “Parêzgeha me rûbirûyê karesateke dilsoj a şewatê bû.
Mixabin ji ber wê du xortên dilsoz ên parêzgeha me şehîd ketîn ku di oxira parastina jîngeh û axê de canê xwe bexiş kirin.
Em wan wekî şehîdên jîngehê yên Helebce û Kurdistanê bi nav dikin.
Ji bo rêzgirtina li canê wan ê pak û ji bo hevparîkirina xema malbatên wan ên birêz, Parêzgara Helebceyê biryar da ku ji bo 2 rojan şîna giştî ragihîne.
Ji bo vê mebestê jî, alaya pîroz a Kurdistanê dê li ser hemû sazî û dezgehên fermî yên li Parêzgariya Helebceyê heta nîvî bê daxistin.”
Parêzgara Helebceyê her wiha biryar da ku ji ber heman sedemê “hemû aheng, bîranîn û çalakiyên şahiyan jî bên rawestandin.”
Nûxşe Nasihê beriya daxuyaniyê ji Rûdawê re gotibû, agirê daristanên Helebceyê berdewam dike û wan ji parêzgeha Silêmaniyê alîkarî xwestiye.
Qaymeqamê Helebceyê jî ji Tora Medyayî ya Rûdawê re got, “Heta niha, saet 08:45ê êvarî, ji Silêmaniyê ti tîm ji bo alîkariyê nehatiye û tenê tîmeke xwebexş ji Pênciwênê hatiye parêzgehê.”
Simko Sala her wiha got, “Agir careke din geş bûye û li nav daristanê belav dibe.”
Li gorî agahiyên Birêvebiriya Parastina Sivîl a Helebceyê dayê Rûdawê, ji ber şewatê 2 kesan canê xwe ji dest daye.
Yek ji wan jîngehparêzê bi navê Arî Muxtar bû ku şeva borî derdora saet 23:00yan canê xwe ji dest daye.
Ew kesê din jî polîsê daristanê bû û navê wî Mihemed Heyder e ku îro piştî nîvro canê xwe ji dest daye.
.jpg&w=3840&q=75)
