Hewlêr (Rûdaw) - Li ser zêdebûna êrişên Îran û Îsraîlê, hinek Îraniyan berê xwe da Tirkiye û Bakurê Kurdistanê.
Li parêzgeha Wanê ya Bakurê Kurdistanê liv û tevgera Îraniyan balê dikişîne.
Piştî şerê di navbera Îsraîl û Îranê de dijwar bû, gelek welatiyên Îranê ji ber metirsiya li ser ewlehiya canê xwe, dest bi terikandina welatê xwe kir.
Rawestgeha ewil a pêla koçberiyê parêzgehanê Wanê ya li ser sînorê Rojhilatê Kurdistanê ye.
Îraniyên ku gihîştine Wanê, ji vir berê xwe didin bajarên cuda yên Tirkiyeyê.
Ji ber qerebalixa li Otogara Wanê, fîrmayên otobusan seferên xwe zêde kirin.
Nûçe: Zafer Avnaş/Rûdaw
