Hewlêr (Rûdaw) - Li parêzgeha Urmiyeyê ya Rojhilatê Kurdistanê 3 otomobîl li hev qelibîn, 2 kes mirin 8 kes jî birîndar bûn.
Birêveberê Tenduristiya Bajarê Şinoyê Hesen Zirza ragihand ku li ser rêya Şino û Pîranşarê ya parêzgeha Urmiyeyê 3 otomobîl li hev qelibîne.
Hesen Zirza da zanîn ku di qezayê de 2 kesan canê xwe ji dest daye û 8 kes jî birîndar bûn.
Herwiha Hesen Zirza diyar kir ku tîmên tenduristiyê birîndar birine Nexweşxaneya Şinoyê.
Hesen Zirza amaje bi yekê kir ku birîndar li nexweşxanyê tên dermankirin û birînên 2 kesan xedar in.
Di 100 hezar qezayên trafîkê de 813 kes mirine
Li Îran û Rojhilatê Kurdistanê salane gelek kes di qezayên trafîkê de canê xwe ji dest didin.
Birêveberê Navenda Ragihandin û Kontrolkirina Polîsên Trafîkê ya Îranê Ehmed Şîranî ragihandibû ku ji 15ê Adara 2023yan heta 7ê Nîsana 2024an li Îran û Rojhilatê Kurdistanê 100 hezar qezayên trafîkê çêbûne.
Ehmed Şîranî da zanîn ku di wan qezayan de 813 kesan canê xwe ji dest daye û 21 hezar û 441 kes jî birîndar bûne
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse