Dêrsim (Rûdaw) - Parêzgariya Dêrsimê konsera hunermendên Dêrsimî ya ku wan dixwest ji bo piştgiriya karkerên Kompanyaya Xizmetên Elektrîkê ya Firatê (FEDAŞ) bidin, qedexe kir.
Karkerên FEDAŞê 9ê Tebaxa 2023yan bi armanca zêdekirina mûçeyê xwe û baştirkirina şert û mercên kar dest bi çalakiya kêm karkirinê kiribû.
Kompanya FEDAŞê heta niha bersiva daxwazên karkeran nedaye û bi ser de bi hinceta çalakiyê dikin 17 karker ji kar derxistine.
Di nav de Pinar Aydinlar hinek hunermendên Dêrsîmî xwest di 35emîn roja çalakiya karkeran de li Qada Seyîd Riza konsereke piştgiriyê li dar bixin.
Konsera hunermendan hat qedexekirin
Parêzgariya Dêrsimê konsera hunermendan qedexe kir û Şaxa Dêrsimê ya Sendîkaya Enerjiyê jî piştî qedexeyê biryar da civîneke çapemeniyê li dar bixe.
Lê ev çalakî jî ji aliyê parêzgariyê ve hat qedexekirin.
“Berxwedana karkeran berdewam e”
Sekreterê Giştî yê Sendîkaya Enerjiyê ya Şaxa Dêrsîmê Emin Adsiz got:
“Wan bi awayekî kêfî çalakiya guhdarkirina muzîkê qedexe kir. Lê ev dîmen kurteya vê tabloyê ye.
Berxwedana karkerên Kompanya Elektrîkê ya Firat Aksa heye. Gotinek heye ku me her car ji wan kesên dixwazin berxwedana me bişkînin re nedigot.
Berxwedana li vê derê ne ya karkerên ku di Firat Aksayê de ya Holdînga Kazanci de dixebitin, tekoşîneke bajarekî li vê derê mezin bû.”
Karker 14 hezar lîreyan werdigirin
Li Dêrsim û navçeyên wê zêdetir ji 100 karkerên kompanya belavkirina elektrîkê hene, ku 14 hezar lîre mûçe werdigirin.
Karker dibêjin heta mûçeyê wan neyê zêdekirin dê çalakiya xwe berdewam bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse