Hewlêr (Rûdaw) – 6 siyasetmedarên Kurd ên ku roja 8ê Hezîranê li parêzgeha Amedê ya Bakurê Kurdistanê hatibûn desteserkirin bi biryara dadgehê hatin girtin.
Li Amedê 8ê Hezîranê Hevserokê berê yê Şaredariya Erxeniyê û Hevserokê Partiya Însan û Azadiyê (PÎA) Ahmet Kaya, alîkarên berê yên Şaredariya Erxeniyê Gulistan Polat, Esverî Malkoç û Cavîdan Yaman, Ramazan Kartalmiş û Fesîh Yalçin ji ber çalakî û daxuyaniyên di navbera 2014-2019an de bi hinceta “endamtiya PKKyê” hatibûn deseteserkirin.
Rêveberiya Ewlehiyê ya Amedê doh piştî karên îfadewergirtinê her 6 siyasetmedarên Kurd şandin Dadgeha Amedê.
Dadgeha Amedê bi hinceta “endamtiya PKKyê” derbarê 6 kesan de biryara girtinê da û ew şandin girtîgehê.
Li gor îdiaya dadgehê, siyasetmedarên Kurd “li ser daxwaza PKKyê çalakî kirine û daxuyanî dane medyayê.”
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl, çalakvan û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse