Hewlêr (Rûdaw) - Li parêzgehên Wan, Colemêrg, Bedlîs û Mûşê yên Bakurê Kurdistanê ji ber berfê rêyên 307 gundan hatin girtin.
Li Bakurê Kurdistanê îsal zivistaneke dijwar derbas dibe.
Li Wanê dibistan hatin girtin
Şaredariya Bajarê Mezin a Wanê ragihand ku li parêzgehê ji ber berf û pûkê rêyên 143 gundan hatine girtin.
Tîmên Şaredariya Bajarê Mezin a Wanê ji bo paqijkirina berfê û vekirina rêyan xebatên xwe didomînin.
Li navçeya Ebexê ya Wanê jî ji ber berfê dibistan îro hatin girtin.
Li Colemêrgê rêyên 58 gundan girtî ne
Gelê parêzgeha Colemêrgê ji ber girtina rêyan di çûn û hatinê de rûbirûyî pirsgirêkan bû.
Îdareya Taybet a Colemêrgê ragihand ku li Colemêrg û navçeyên wê ji ber berfê rêyên 58 gundan hatine girtin û xebatên vekirina rêyan didomin.
Li nav bajarê Colemêrgê jî xelk berfa li ber dikan û malên xwe paqij dike.
Xebatên vekirina rêyan didomin
Sekreterê Giştî yê Îdareya Taybet a Mûşê Şeyhmus Yentur diyar kir ku li parêzgehê ji ber berf û pûkê rêyên 44 gundan hatine girtin û ji bo xelk mexdûr nebin xebatên vekirina rêyan didomin.
Birêvebirê Xizmetên Rê û Veguhastinê ya Îdareya Taybet a Bedlîsê Umit Kurtkan jî ragihand ku ji ber berfê rêyên 62 gundan hatine girtin û kar û xebatên vekirina rêyan didomin.
.webp&w=3840&q=75)
