Otomobîlek ket Bendava Derbendîxanê: Dayik û kur xeniqîn

Derbendîxan (Rûdaw) - Otomobîlek kete Bendava Derbendîxanê û di encam de dayik û kurê wê xeniqîn.

Rêveberê Polîsê Hatinçûnê li Derbendîxanê Rêjen Burhan ji Rûdawê re aşkere kir ku li ser rêya Şemêran li nêzikî navçeya geştyarî Ban Qoyn, otomobîlek ketiye nav bendavê û du kesên di otomobîlê de xeniqîne.

Rêveberê Pizîşkiya Dadî li Derbendîxanê Dr. Şêrko Sabir, ji Rûdawê re ragihand ku ew kesên ku di otomobîlê de bûn, dayik û kurê wê bûne.

Hat zanîn ku ew dayik sala 1957an ji dayik bûye û kurê wê jî sala 1980an ji dayik bûye û şêniyên Taxa Ûlûbey a Silêmaniyê ne.

Derbarê sedema rûdana wê bûyerê de jî Bûrhan got ku dibe, ajokar kontrol ji dest dabe û ji ber hindê otomobîl ketibe nav bendavê.

Bajarokê Derbendîxan, ser bi parêzgeha Silêmaniyê ve ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger