Hewlêr (Rûdaw) – Li Kerkûk a Başûrê Kurdistanê çekdarên DAIŞê êrîşî hêzeke artêşa Iraqê kirin û di encamê de 3 serbazên artêşa Iraqê ku 2 ji wan efser bûn hatin kuştin.
Derengiya şeva derbasbûyî çekdarên DAIŞê êrîşî ser hêzên Iraqê kirin û di êrîşê de 2 efserên artêşa Iraqê û serbazek hatin kuştin û 4 serbaz jî birîndar bûn.
Nûçegehanê Rûdawê yê Kerkûkê diyar kir ku derengiya şeva derbasbûyî çekdarên DAIŞê ji du aliyan ve êrîşî ser hêzên Iraqê yên li navçeya Telwerd a Kerkûkê kirine û di encamê de 2 efserên artêşa Iraqê û serbazek hatin kuştin, her wiha 4 serbaz jî birîndar bûn.
Piştî bûyerê hêzeke artêşa Iraqê û Heşda Şeibî çûne cihê bûyerê lê çekdarên DAIŞê reviyabûn.
DAIŞê di sala 2014an de tevahiya parêzgehên Neynewa, Selahedîn û Enbarê û beşeke Diyala û Kerkûkê bi dest xistibû. Piştî demekê ew parêzgeh ji destê DAIŞê hatibûn derxistin.
Serokwezîrê berê yê Iraqê Heyder Ebadî di 9ê Berfanbara 2017an de sefkeftina li dijî DAIŞê ragihandibû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse