Hewlêr (Rûdaw) - Li parêzgeha Wanê ya Bakurê Kurdistanê, hefteya borî bi hinceta PKKyê 13 kes hatin desteserkirin.
Rêveberiya Ewlehiyê ya Wanê ragihand ku di navbera 1-8ê Çiriya Pêşîn de bi armanca “rêgirîkirina çalakiyên rêxistinê” çend “operasyon” hatine kirin.
Li Wanê di navbera 1-8ê Cotmehê de di “operasyonên” cuda de bi hinceta “endamtî û alîkariya PKKyê” 13 kes hatin desteserkirin.
Derbarê kesên desteserkirî de karên yasayî hatin destpêkirin.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi hinceta “PKKê” xelkê sivîl û siyasetmedarên Kurd desteser dikin.