Hewlêr (Rûdaw) - Kongreya yekitiyê ya Partiya Azadiya Kurdistanê (PAK) û Tevgera Demokratîk a Kurdistanê (TDK-TEVGER) îro li Amedê dest pê kir.
Kongreya ku îro bi beşdariya zêdetir ji 500 kesî dest pê kir dê du rojan berdewam bike.
Di roja yekem a kongreyê da, Alîkarê Serokê Giştî yê PAKê Kasim Ergun bixêrhatina mêvan û beşdarên kongreyê kir û bi kurtayî behsa armanca kongreyê kir.
Paşê jî li ser navê Komîteya Amadekar a Kongreyê, ji bo Dîwana Kongreyê Rifat Sefalî, Seval Mert, Roza Kurdî, Mîrza Akar û Diyar Çeçan hatin pêşniyarkirin û delegeyan ew dîwan pejirand.
Rêz li şehîdên Kurdistanê hat girtin
Serokê Dîwanê Rifat Sefalî bixêrhatina mêvan û beşdarên kongreyê kir û beşdaran bi Sirûda Neteweyî Ey Reqîbê, rêz li şehîdên Kurdistanê girt.
Li ser navê Komîteya Amadekar a Kongreyê, Berdevkê TDK-TEVGERê Mehmet Selîm Uzun bi zaravayê Kirdkî/Zazakî axaftinek kir.
Mehmet Selîm Uzun derbarê girîngiya xebata yekitiyê û rola wê ya di doza neteweyî û demokratîk a gelê Kurdistanê de bîr û rayên hevbeş ên Komîteya Amadekar anîn ziman.
Paşê Berdevkê TDK-TEVGERê Nezîr Akat û Serokê Giştî yê PAKê Mustafa Ozçelîk di derbarê amadekariyên kongreyê de agahî dan.
Ozçelîk û Akat herwiha di derbarê bîr û bawerîyên xwe yên ji bo çareseriya pirsa Kurd û Kurdistanê û daxwazên acîl ên miletê Kurd de nêrînên pêşkêş kirin.
Nûnerên partî û rêxistinan axivî
Di beşa duyem a kongreyê de Serokê Giştî yê HAK-PARê Duzgun Kaplan, Alîkarê Serokê Giştî yê PSKyê Hasan Dagtekîn, ji Başûrê Kurdistanê Nûnerê Partiya Şûî ya Kurdistanê Hawta Resûl, li ser navê PDK-S û ENKSyê Muslum Mihemed, li ser navê Destpêka Nû Dr. Engîn Yilmaz, li ser navê DDKDyê Abdulhay Okumuş axivîn.
Şaîrê Kurd Ahmed Kurdî kurteaxaftinek kir û helbestek xwend.
Siyasetmedar û nivîskarê Kurd Îbrahîm Guçlu, Bedîrhan Epozdemîr û Mehmet Konuk jî axivîn.
Serokê #PAK'ê Mustafa Ozçelîk: Em bi TEVGERê re bi navekî nû û logoyeke nû partiyeke nû ava dikin pic.twitter.com/uw4W1d76yk
— RudawKurdi (@RudawKurdi) September 9, 2023
Partî û rêxistinên siyasî yên ku beşdarî kongreya yekitiyê ya TDK-TEVGER û PAKê bûne ev in:
Serokê Giştî yê HAK-PARê Duzgun Kaplan û heyeta xwe, Alîkarê Serokê Giştî yê PSKyê Hasan Dagtekîn û heyeta xwe, Serokê Giştî yê PDK-Tyê Mehmet Emîn Kardaş û heyeta xwe, Serokê Giştî yê PDKyê Reşît Akici, ji Başûrê Kurdistanê Nûnerê Partîya Şûî a Kurdistanê Hawta Resûl, Rêvebirê PDK-S û ENKSyê Muslum Mihemed û heyeta xwe, nûnerê Tevgera Avakirina Demokratî Kurdistanî-Sûriye Mehmûd Remo û heyeta xwe, Alîkarê Serokê Giştî yê PIAyê Sedat Dogan û heyeta xwe, Serokê DDKDyê Halîm Îpek û heyeta xwe, nûnerê Partîya Yekitîya Kurdistanî-Sûriye Elî Hemisî, Rêvebirê Destpêka Nû Dr. Engîn Yilmaz û heyeta xwe, heyeta PDK Bakur, heyeta Partiya Azadî, Serokê Grûba Dîcle-Fratê Muhîttîn Batmanlî, Alîkarê Serokê Giştî yê HUDA-PARê Abdulsamet Yalçin û heyeta xwe, li ser navê Partiya Keskên Çep (YSP) Ahmet Guler û heyeta xwe, li ser navê DBPyê Sevîm Biçicî û heyeta xwe, Rêvebirê KKPyê Nûsret Maçîn û heyeta xwe, Alîkarê Serokê Teşkîlata Amedê ya AK Partiyê Zekî Akkoç û heyeta xwe, Alîkarê Serokê Teşkîlata Amedê ya CHPyê Selîm Fîdanci û heyeta xwe û Platforma Ciwanên Serbixwe.
Dezgehên Sivîl û komeleyên ku beşdarî kongreyê bûne jî ev in:
Serokê DTSOyê Mehmet Kaya, Rêvebirê KURD-KAVê Farûk Durre, Serokê ŞIVİDERê Azîz Ozalp, li ser navê Platforma Koımeleyên Herêmî yên li Amedê, Mehmet Çelîker û Nûsret Îla, Nûnerê Komeleya Şêx Seîd Samed Bîlgîn, Komeleya Ehmedê Xanî-Batman, DEMKURD,nûnerê Komeleya Teqawîdan Mecît Kaçar, li ser navê Însîyatîfa Girtîgeha 5 Nolû Paşa Akdogan û heyeta xwe, li ser navê Engelsîz Bîrleşenler Federasyonû Ercan Akto, Nûnerê Komeleya Kedkaran Mecît Kaçar.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse