Hewlêr (Rûdaw) – Serok Mesûd Barzanî pêşwaziya Nûnerê Taybet ê Serokê Amerîkayê yê li Hevpeymaniya dijî DAIŞê Brett McGurk û Balyozê Amerîkayê yê li Iraqê Douglas Silliman kir.
Pleased to receive @brett_mcgurk and @USAmbIraq today at my office, we spoke of the latest political developments in Iraq and the Kurdistan Region
— Masoud Barzani (@masoud_barzani) October 7, 2018
Civîna Serok Barzanî û Brett McGurk li baregeha Barzanî ya li Pîrmamê hat kirin.
Serok Barzanî di twîteke xwe de kêfxweşiya xwe ji bo serdana Brett McGurk û Douglas Sillman anî ziman û ragihand ku di civînê de behsa pêşhatên herî dawî yên siyasî yên Iraq û Herêma Kurdistanê kirine.
Herwiha li ser malpera Serok Barzanî hat ragihandin ku di civînê de Nûnerê Taybet ê Serokê Amerîka yê li Hevpeymaniya şerê dijî DAIŞê pîrozbahiya serkeftina Lîsta Partiya Demokrata Kurdistanê (PDK) ya di hilbijartinên Parlementoya Kurdistanê de kir û wê serkeftinê bi girîng wesif kir û tekez li ser rol û pêgeha Partiya Demokrata Kurdistanê li Herêma Kurdistanê û Iraq û navçeyê kir.
