Li Urmiyeyê di du qezayan de 6 kes mirin

Hewlêr (Rûdaw) - Di du bûyerên trafîkê de li parêzgeha Urmiyeyê ya Rojhilatê Kurdistanê, 6 kesan canê xwe ji dest da û 4 kes jî birîndar bûn.

Yek ji wan bûyeran li ser rêya Tîkab-Feyzavayê û bûyera din li ser rêya Mihabad-Urmiyeyê çêbûye.

Rêveberê Heyva Sor a Parêzgeha Urmiyê Hemîd Mehbûbî ragihand ku êvara Çarşemê li 10emîn kîlometreya rêya Tîkab-Feyzavayê bûyereke trafîkê di navbera sê otomobîlên taybet de çêbûye.

Di encama bûyerê de 5 kesan canê xwe ji dest da û 2 kes jî birîndar bûn.

Hemîd Mehbûbî got, piştî ku ew ji bûyerê hatine agahdarkirin, wan tîmên hawarçûnê şandine cihê bûyerê û birîndarên bûyerê û termên kesên ku di bûyerê de mirine, rakirine nexweşxaneyê.

Rêveberê Heyva Sor a Parêzgeha Urmiyeyê herwiha diyar kir di bûyereke din de li ser rêya Mihabad-Urmiyeyê, barhilgirek li otomobîleke taybet qelibiye.

Di vê bûyerê de jî kesekî canê xwe ji dest da û 2 kes jî birîndar bûn.

Bi gotina wî rayedarî, birîndarên wê bûyerê jî birin nexweşxaneyê.

Dema bûyerê

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger