Hewlêr (Rûdaw) - Li parêzgeha Colemêrgê ya Bakurê Kurdistanê, bi hinceta “endamtiya PKKyê” du kes hatin girtin.
Parêzgariya Colemêrgê li ser hesabê xwe yê medyaya civakî ragihand ku “tîmên Fermandariya Cendirmeyan a Colemêrgê roja 4ê Kanûna Paşîna 2024an li dijî PKKyê operasyonek kiriye.”
Di operasyonê de bi hinceta “endamtiya PKKyê” û “têkdana yekîtiya dewletê û yekparçeyiya welat” 2 kes hatin desteserkirin.
Hêzên ewlehiyê du kesên destserkirî piştî karûbarên yasayî doh birin Dadgeha Colemêrgê.
Dadgehê derbarê her du kesan de biryara girtinê da.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl, çalakvan û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse