Mezlûm Ebdî Donald Trump pîroz kir

Hewlêr (Rûdaw) – Fermandarê Giştî yê Hêzên Sûriyeya Demokratîk (HSD) Mezlûm Ebdî Namzedê Komariyan Donald Trump pîroz kir.

Xelkê Amerîkayê çû ser sindoqan û di navbera Donald Trump û Kamala Harrisê de tercîha xwe kir.

Heta niha 267 delegeyên Donald Trump û 224 delegeyên Kamala Harrisê hene û namzedê ku 270 delegeyî bistîne dê bi ser bikeve.

Donald Trump di weşana zindî de serkeftina xwe bi gotinên, “Ez bûm serokê 47an, ez spasiya gelê Amerîkayê dikim” ragihand.

“Ez hêvî dikim em wekî berê bi hev re bixebitin"

Fermandarê Giştî yê HSDyê Mezlûm Ebdî piştî van encaman bi rêya hesabê xwe yê Xê Donald Trump pîroz kir û got:

“Ez hêvî dikim ku em wekî berê bi hev re bixebitin.

Ez ji bo bihêzkirina hevkariya me û pêkanîna aramiya herêmê amade me.”

Congratulations President @realDonaldTrump on your election victory.
I look forward to working together as we did in the past, ready to strengthen our partnership and provide the stability to the region.

— Mazloum Abdî مظلوم عبدي (@MazloumAbdi) November 6, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger