Hewlêr (Rûdaw) - Nêçîrvan Barzanî ji bo Cejna Qiyamê ya Hezretî Îsa peyamek belav kir.
Serokê Herêma Kurdistanê Nêçîrvan Barzanî di peyama xwe de ragihand:
"Ez pîrozbahiyên herî germ li welatî û xwişk û birayên me yên Xiristiyan ên li Îraq û Herêma Kurdistanê û hemû cîhanê dikim.
Hêvîdar im ev cejn bibe sedema xêr, xweşî û aramiyê ji bo her kesî."
Serokê Herêma Kurdistanê di peyama xwe de tekez kir ku Herêma Kurdistanê wekî her tim dê wekî dergûşa bihevrejiyan, tebayî û hevqebûlkirina hemû pêkhateyên olî û neteweyî bimîne.
Nêçîrvan Barzanî her wiha destnîşan kir ku welatiyên Xiristiyan beşeke resen û jêneveqetiyayî ya civaka Kurdistanê ne.
Wî da zanîn ku dîrokeke wan a tije xebat û hevparî li gel gelê Kurdistanê heye.
