Hewlêr (Rûdaw) – Hevseroka Şaredariya Êlihê Gulistan Sonukê got, “Me ev rejîma talanker û xespker qebûl nekir û em dê nekin jî. Şaredarî yên gel in.”
Wezareta Karên Navxwe ya Tirkiyeyê bi daxuyaniyeke nivîskî da zanîn ku wan qeyûm daniye ser şaredariyên parêzgehên Mêrdîn û Êlihê û navçeya Xelfetiyê ya Rihayê.
“Em vê rejîma talanker û xespker qebûl nakin”
Hevseroka Şaredariya Êlihê Gulistan Sonukê bi rêya hesabê xwe yê Xê bertek nîşanî vê biryarê da û biland:
“Me şaredariya xwe bi rêjeya dengên herî zêde stand. Me ev rejîma talanker û xespker qebûl nekir û em dê nekin jî. Şaredarî yên gel in.”
Gulistan Sonukê paşê posteke din belav kir û got, “Em derbasî avahiya şaredariya xwe dibin. Em ti biryarên nehiqûqî nas nakin.”
Li gorî daxuyaniya Wezareta Karên Navxwe ya Tirkiyeyê, Parêzgarê Mêrdînê Tuncay Akkoyun li şûna Ahmet Turk hatiye tayînkirin.
Hevseroka Şaredariya Êlihê Gulistan Sonuk ji kar hatiye dûrxistin û Parêzgarê Êlihê Ekrem Canalp bûye qeyûm.
Hevserokê Şaredariya Xelfetiyê Mehmet Karayilan ji kar hatiye dûrxistin û Qaymeqamê Xelfetiyê Hakan Başoglu bûye qeyûm.
Wezaretê Ahmet Turk, Gulistan Sonuk û Mehmet Karayilan bi endamtiya PKKyê tohmetbar kirin.
Serokê Şaredariya Bajarê Mezin a Mêrdînê Ahmet Turk li ser tayînkirina qeyûm got, “Em qet milê xwe danaynin, em destûrê nadin ku îradeya gel were xespkirin.”
Paralementera DEM Partiyê ya Mêrdînê Salîha Aydenîzê jî got, “Em qeyûm qebûl nakin, em dê destûrê nedin xespê.”
Divê were gotin DEM Partiyê di hilbijartinên 31ê Adarê de her 3 şaredarî jî standibûn.
31 Mart seçimlerinde Türkiye geneli en yüksek oy oranıyla kadınların gençlerin ve halkımızın emeği ile aldığımız belediyemiz bize hiç bir tebligat yapılmadan bu sabah itibarıyla gasp edilmiştir. Bizler bu talan ve gaspçı rejimi kabul etmedik etmeyeceğiz. Belediyeler halkındır.
— Gülistan Sönük (@gulistan_sonuk) November 4, 2024
.webp&w=3840&q=75)