Hewlêr (Rûdaw) - Li parêzgeha Amedê ya Bakurê Kurdistanê Koma Xebatê ya Vate ku ji sala 1996an heta niha kar û xebatên xwe yên li ser zaraveya Kirmanckî berdewam dike civîna xwe ya 39emîn li dar xist.
24 endamên Koma Xebatê ya Vateyê beşdar bûn.
Koma Xebatê ya Vate doh li parêzgeha Amedê civiya û dê civîn 4 rojan berdewam bike.
Koma Xebatê ya Vateyê sala 1996an li Stockholma paytexta Swêdê ji aliyê kesên ku ji herêmên cûda hatine û bi zaraveyê Kirmanckî yê Zimanê Kurdî dinivîsin hat damezrandin.
Wî komê yekemîn kovara xwe ya bi navê Vate piştî salekê derxist û heta niha 81 hejmar hatine derxistin.
Herwiha sala 2003yan weşana kovarê li Tirkiyeyê berdewam kir û heta niha 27 salan bê navber tê weşandin ku yekane kovara demdirêj a bi zaraveya Kirmanckî ye.
Heta niha 2 ferhengên Kirmanckî hatine amadekirin û her yek ji wan 5 caran hatiye çapkirin.
Ji damezrandinê heta niha 56 kesan di nav koma xebatê de cih girtiye û ji wan 6 kesan canê xwe ji dest daye.
Kesên canê xwe ji dest daye: Memo Darêz (Bongilan), Wisif Kaymak (Piran), Ahmedê Dirihî (Çewlîg), Polat Aydin (Çermûg), Mahmûd Nêşite (Licê) û Munzur Çem (Dêrsim).
24 endamên beşdarî civîna 39emîn bûne ev in:
Nadîre G. Aldatmaz
Netîce Altun
Serdar Bedirxan
Îbrahîm Bîngol
Nureddîn Celalî
Haydar Diljen
J. Îhsan Espar
Neymetullah Gunduz
Deniz Gunduz
Ronya Îlbasmiş
Doxan Karasu
Ehmed Kirkan
Huseyîn Kulu
Seyîdxan Kurij
M. Malmîsanij
Selîm Murat
Mehmet Olmez
Wisif Pîrbab
Ugur Sermiyan
Şukrî Urgun
Muzafer Xeylanij
Pinar Yildiz
Weysel Yildizhan
Zulkuf Demirtaş
