Hewlêr (Rûdaw) - Fermandarê Giştî yê Hêzên Sûriyeya Demokratîk (HSD) Mezlûm Ebdî got, “Em teqînên ku bajarê Minbicê dikin hedef bi tundî şermezar dikin û piştgiriya xwe ji bo gelê Minbicê diyar dikin.”
Doh li ser rêya sereke ya bajarê Minbicê otomobîleke bombebarkirî teqiya.
Li gorî Saziya Parastina Sivîlan a Sûriyeyê, di teqînê de 15 kes mirin û 15 jin jî birîndar bûn.
“Divê sûcdar werin cezakirin”
Fermandarê Giştî yê Hêzên Sûriyeya Demokratîk (HSD) Mezlûm Ebdî bi rêya hesabê xwe yê Xê ev êriş şermezar kir û got:
“Em teqînên ku bajarê Minbicê dikin hedef bi tundî şermezar dikin û piştgiriya xwe ji bo gelê Minbicê diyar dikin.
Ev kiryarên tawanê gefê li yekîtiya hevgirtina neteweyî dikin û divê sûcdar werin cezakirin.
Em sersaxiyê ji malbatên qurbaniyan re dixwazin û ji bo birîndaran jî şifaya zû dixwazin.”
ندين بشدة التفجيرات التي استهدفت مدينة منبج، ونعبّر عن تضامننا مع أهلها. إنّ هذه الأعمال الإجرامية تهدد وحدة النسيج الوطني ويجب أن يُحاسب مرتكبوها. نقدم أحر التعازي لعوائل الضحايا ونتمنى الشفاء العاجل للمصابين.
— Mazloum Abdî مظلوم عبدي (@MazloumAbdi) February 3, 2025
