Hewlêr (Rûdaw) - Li parêzgeha Êlihê ya Bakurê Kurdistanê şaredariya ku ji aliyê qeyûm ve tê birêvebirin bi hinceta sererastkirina trafîkê darên li navenda bajêr birîn.
Vê yekê nerazîbûneke mezin li dûv xwe anî.
“Ti taritî nikare tawanên we veşêre”
Hevseroka Şaredariya Êlihê Gulistan Sonuka ku li şûna wê qeyûm hatiye danîn, derengiya şevê çû cihê bûyerê û li ser hesabê xwe yê Xê bertek nîşan da û got:
“Demjimêr 3:00 ye. Şaredariya ku divê pirsgirêkên Êlihê çareser bike, di tariya şevê de daran dibire.
Qeyûmê ku di dema lehiyê de şiyar nebû, niha daran dibire.
Ti taritî nikare tawanên we veşêre.”
“Çareserî ne birîna daran e”
Gulistan Sonukê amaje pê kir ku ji bo sererastkirina trafîkê divê rêyên alternatîv bên dîtin û got:
“Ev proje nikare pirsgirêka trafîkê ya Êlihê çareser bike.
Tiştê ku çareser bike, avakirina rêyên nû ye. Armanca vê projeyê qirkirina jîngehê ye û rant e.”
Batman’ın seçilmiş eş başkanı Gülistan Sönük kesilen ağaçlar hakkında “vahşet” değerlendirmesinde bulundu! pic.twitter.com/84V35hkG4v
— metinyoksu (@metinyoksu) September 3, 2025
