Hewlêr (Rûdaw) – Wezareta Karên Navxwe ya Tirkiyeyê bi daxuyaniyeke nivîskî ragihand ku wan qeyûm daniye ser Şaredariya Colemêrgê.
Polîsan doh bi şev Şaredariya Colemêrgê dorpêç kir, serê sibehê jî bi ser şaredariyê de girt.
Hevşaredarê Colemêrgê Mehmet Siddik Akiş jî li Wanê hat desteserkirin.
Piştî van rûdanan Parêzgariya Colemêrgê hemû çalakî qedexe kirin û dê qedexe 10 rojan biajo.
Wezaretê daxuyanî da
Wezareta Karên Navxwe ya Tirkiyeyê piştî van rûdanan ragihand ku wan qeyûm daniye ser Şaredariya Colemêrgê.
Li gorî daxuyaniyê, Mehmet Siddik Akiş ji erkê xwe hatiye dûrxistin û Parêzgarê Colemêrgê Alî Çelîk wekî qeyûmê Colemêrgê hatiye erkdarkirin.
Wezaretê îdia kir ku pêwendiya Mehmet Siddik Akiş bi PKKyê re hebûye û wî li ser navê PKKyê esnaf tehdîd kirine û merasîmên veşartina cenazeyên gerîlayan organîze kirine.
Wezaretê got ku Mehmet Siddik Akiş ji ber “endamtiya rêxistinê” tê darizandin û darizandina wî berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse