Hewlêr (Rûdaw) - Birêvebiriya Keşnasiyê ya Tirkiyeyê ragihand ku li gorî pêşbîniyan li piraniya parêzgehên Tirkiye û Bakurê Kurdistanê pileyên germê ji 5 heta 10 pileyan daketine.
Li 20 parêzgehan ji ber egera baraneke gur, bager û lehiyê hişyarî hat dayîn.
Her wiha tê pêşbînîkirin ku îro li piraniya parêzgehên Tirkiye û Bakurê Kurdistanê baran bibare.
Saziya Keşnasiyê ji bo çend parêzgehên Bakurê Kurdistanê yên wekî Agirî, Çewlîg, Bedlîs, Erzirom, Erzingan, Colemêrg, Qers, Mûş, Sêwaz, Erdexan û Îdirê hişyariya baraneke gur, ba û lehiyê da.
Li Mereş û parêzgehên din ên Bakurê Kurdistanê jî îro car caran dê baran bibare.
Her wiha li parêzgehên Îdir, Qers û Agiriyê jî hêza ba zêde dibe û egera bagerê heye.
Li hinek parêzgehan pileyên germê wiha ne:
- Sêwaz: 21 °C
- Mereş: 26 °C
- Erzirom: 18 °C
- Meletî: 20 °C
- Dîlok: 27 °C
- Amed: 29 °C
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse