Hewlêr (Rûdaw) – Serokwezîrê Herêma Kurdistanê Mesrûr Barzanî got, “Ez kuştina Îsmaîl Heniye şermezar dikim.”
Mesrûr Barzanî bi rêya hesabê xwe yê Xê li ser kuştina Serokê Hemasê Îsmaîl Heniye postek belav kir û got:
“Ez kuştina Îsmaîl Heniye û hemû hewlên ji bo nehiştina aramaniya li herêmê şermezar dikim.”
“Ez bangî hemû aliyan dikim”
Serokwezîrê Herêma Kurdistanê di peyama xwe de ji bo diyalogê bang kir û li pey çû:
“Ez bangî hemû aliyan dikim ku aloziyên vê dawiyê kêm bikin û ji bo ku aramî û seqamgirî vegere herêmê guftûgoyên cidî bikin.
Herêm xwe li ber nezelaliya zêdetir nagire.”
Çi bûbû?
Serokê Hemasê Îsmaîl Heniye doh (31ê Tîrmehê) berê sibehê li Tehrana paytexta Îranê hat kuştin.
Supaya Pasdaran a Îranê ragihand ku Heniye li mala ku lê dima rastî êrişekê hatiye.
Îran û Hemas dibêjin ku Îsraîlê Heniye kuştiye lê Îsraîlê heta niha ev angaşt qebûl nekirine.
Îsmaîl Heniye 6ê Gulana 2017an li şûna Xalid Meşal bûbû Serokê Ofîsa Siyasî ya Hemasê.
Îsmaîl Heniye ji bo beşdarî merasîma sondxwarinê ya serokkomarê nû yê Îranê Mesûd Pizîşkiyan bibe çûbû Tehranê.
I condemn the killing of Ismail Haniyeh and denounce any provocative attempt to destabilize the region.
— Masrour Barzani (@masrourbarzani) July 31, 2024
I urge all parties to deescalate the recent tensions and engage in serious dialogue to restore regional stability.
The region cannot endure more uncertainty.
