Hewlêr (Rûdaw) – Hunermend Delîl Dîlanar dê li Îdareya Serbixwe ya Zaxoyê ya Başûrê Kurdistanê konserekê li dar bixe.
Hunermendê navdar ê ji Bakurê Kurdistanê Delîl Dîlanar dê roja Yekşemê 22yê Kanûna Pêşîn li Zaxoyê konserekê saz bike.
Delîl Dîlanar ji Tora Medyayî ya Rûdawê re ragihand ku konser ji aliyê birêvebiriya Îdareya Serbixwe ya Zaxoyê ve tê lidarxistin.
Hunermend Delîl Dîlanar ji Rûdawê re got:
“Ez dê bi beşdariyê xelkê kêfxweş bibim.
Her kes dikare li qada konserê amade be.”
Konsera Delîl Dîlanar a li Îdareya Serbixwe ya Zaxoyê dê danê êvarê li qada nêzîkî Pira Delal were lidarxistin.
Hunermend Delîl Dîlanar yek ji hilgirê kevneşopiya dengbêjiya modern a Kurdî ye.
Delîl Dîlanar ji mamosteyê mezin ê meya Kurdî Egîdê Cimo perwerdeya enstrumanan wergirtiye.
Dîlanar bi harmoniya melodiya enstruman û dengbêjiyê bandoreke mezin li muzîka Kurdî kir.
