Hewlêr (Rûdaw) - Hunermend Tara Mamedova dê li bajarê Stenbolê yê Tirkiyeyê konserekê bide.
Tara Mamedova 13ê mehê dê li yek ji navendên herî girîng ên konseran Navenda Nîmayişan a Bostanciyê ya li Stenbolê derkeve ser dikê ku hunermendên jixwebawer li wir derdikevin.
Stêrka Tara Mamedovayê van salên dawî roj li pey rojê geştir dibe û konserekê li pey a din saz dike û dengê xwe digihîne hezkiriyên xwe.
Hunermend Tara Mamedovayê ji Rûdawê re diyar kir ku ew amadekariyeke pir taybet ji wê konsêrê re dike û anî ziman:
“Ez dixwazim vê carê şoweke pir cuda û tijî surprîz pêşkêşî hezkiriyên xwe bikim.
Hunermendên mêvan Xecê û Lorîn Tosun in.”
Her wiha komeke dansê jî dê li gel Tara Mamedovayê derkeve ser dikê.
Tara Mamedova ji bo vê konserê gelekî bi kelecan e û li hêviya hatina hejmareke zêde ya hezkiriyên xwe ye.
Bilêtên konserê li ser platforma Biletixê têne firotin.
Hunermend Tara Mamedova dê li Stenbolê derkeve ser dikê
— RudawKurdi (@RudawKurdi) April 9, 2025
📍 Konser dê 13ê Nîsanê li Navenda Nimayişan a Bostanciyê were lidarxistin pic.twitter.com/QmjT7RUB6s
