Hewlêr (Rûdaw) - Serokê Herêma Kurdistanê Nêçîrvan Barzanî li Munîhê bi Serokkomarê Fransayê Emmanuel Macron re civiya.
Nêçîrvan Barzanî bi rêya hesabê xwe yê Xê got, “Ez dilxweş bûm ku min îro hevalê xwe Emmanuel Macron li Munîhê dît.”
Nêçîrvan Barzanî her wiha diyar kir, wî ji bo piştgiriya domdar a Fransê ya ji bo aştî û ewlehiyê spasiya Macron kiriye.
Serokatiya Herêma Kurdistanê da zanîn ku her du aliyan, rûdanên siyasî û ewlehiyên yên li herêmê û rewşa Sûriyeyê nirxandiye û wan gotiye ku “Divê mafên Kurdan di destûra bê ya Sûriyeyê de werin parastin.”
#GRAFÎK - Nêçîrvan Barzanî û Emmanuel Macron: Divê di destûra Sûriyeyê de mafên Kurdan bên parastin
— RudawKurdi (@RudawKurdi) February 13, 2026
🛑 Serokê Herêma Kurdistanê Nêçîrvan Barzanî li Munîhê bi Serokkomarê Fransayê Emmanuel Macron re civiya #MSC2026 pic.twitter.com/bFPsCZCGJX
Serokê Herêma Kurdistanê Nêçîrvan Barzanî li ser vexwendineke fermî ji bo beşdarbûna Konferansa Ewlehiyê ya Munîhê li Almanyayê ye.
Konferansa Ewlehiyê ya Munîhê salane bi beşdariya gelek serok û rayedarên payebilind ên welatan tê lidarxistin û derfetek e ji bo nîqaşkirina mijarên ewlehî, aramî û pirsgirêkên cîhanî.
Konferansa îsal di navbera 13 û 15ê Sibatê de tê lidarxistin.
#VÎDEO - Serokê Herêma Kurdistanê Nêçîrvan Barzanî li Munîhê bi Serokkomarê Fransayê Emmanuel Macron re civiya #MSC2026 pic.twitter.com/v1EZ0DqezJ
— RudawKurdi (@RudawKurdi) February 13, 2026
