کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Cîhan

Xalid Nermo: Kurdistan baxçeyekî rengîn ê gulan e

Maseya Edîtoran

Maseya Edîtoran

21-11-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran21-11-2026

Nûçeyên Têkildar

Bill Gates: Piştî 20 salên din robot dê xaniyan ava bikin û neştergeriyan jî bikin
Cîhan21-11-2026

Bill Gates: Piştî 20 salên din robot dê xaniyan ava bikin û neştergeriyan jî bikin

Şêx Murşid Xeznewî: Divê rengîniya olî bibe çavkaniya hêza Kurdan
Cîhan21-11-2026

Şêx Murşid Xeznewî: Divê rengîniya olî bibe çavkaniya hêza Kurdan

Kurdên li Munîhê 35 sal in bi navê ‘Lîsteya Kurdistanê’ têdikoşin
Cîhan21-11-2026

Kurdên li Munîhê 35 sal in bi navê ‘Lîsteya Kurdistanê’ têdikoşin

Hewlêr (Rûdaw) - Xalid Nermo ragihand ku pirolî û pirçandî li Kurdistanê xwedî dîrokeke hezaran salan e û ew kêfxweş in ku Hikûmeta Herêma Kurdistanê wê pirrengiyê, azadiya olî û rê û resmên ola Êzidiyan û pêkhateyên din diparêze.

Xalid Nermo di çarçoveya Konferansa 3yemîn a Navneteweyî ya Kurdên Qefqasyayê de ku li Tiflîsa paytexta Gurcistanê tê lidarxistin, ji nûçegîhanê Rûdawê Kamêz Şeddadî re axivî.

Xalid Nermo destnîşan kir ku Kurdistan xwedî dîrokeke kevnar a hezaran salan e û gelekî xwedî dîrokeke ew qasî dirêj, bê guman xwedî çand û olên curbicur e.

“Em kêfxweş in ku pirolî tê parastin”

Xalid Nermo amaje pê kir ku ew wekî nûnerên civakeke resen a Kurdistanî ku ola Êzidiyan e û hilgirê nasname, dab û nerît û çandeke kevnar e beşdarî vê konferansê bûne, da ku curbicuriya olî ya di nava civaka Kurdistanê de nîşan bidin.

Şêwirmendê Civata Ruhanî got, “Em kêfxweş in ku li Kurdistanê pirolî heye û Hikûmeta Herêma Kurdistanê jî wê curbicuriyê, çandên cuda, azadiya olî, azadiya derbirînê û azadiya pêkanîna rê û resmên olî diparêze; bi taybetî olên resen ên Kurdistanê ku yek ji wan Êzidîtî ye.”

Xalid Nermo her wiha diyar kir ku Kurdên li her çar aliyên cîhanê dijîn dikarin bi serbilindî bibêjin ku li Herêma Kurdistanê pirolî tê parastin.

Wî Kurdistan wekî “baxçeyekî rengîn ê gulan” wesif kir û got ku ola Êzidiyan yek ji gulên herî xweşik û resen ên nava wî baxçeyî ye.

Pirs û bersiv wiha ne:

Rûdaw: Konferansa Kurdên Qefqasyayê ya bi navê “Rengîniya olan di nava civaka Kurdî de” îro dest pê kir û dê bi du panelan berdewam bike. Nûnerên hemû olên di nava civaka Kurdî de di vê konferansê de amade ne û şandeyeke Kurdistanê jî beşdar e ku nûnertiya civaka Êzidî dike. Niha mêhvanê min Şêwirmendê Civata Ruhanî ya Lalişê Xalid Nermo li gel me ye. Mamoste, hûn bi xêr hatin.

Xalid Nermo: Sax bî, gelekî spas. Ez jî kêfxweş im ku wekî Êzidiyekî û wekî nûner yan şêwirmendê Civata Ruhanî ya Êzidiyan, îro di vê sêyemîn konferansa Kurdên Qefqasyayê de ku li bajarê Tbîlîsê yê Gurcistanê tê sazkirin beşdar im.

Rûdaw: Mamoste, li Tbîlîsê yên ku em bi navê Kurd nas dikin hemû Êzidî ne. Ez nizanim cara yekem e yan çendemin car e hûn tên lê ez dizanim ku ji Lalişê her tim nûner, çi ji aliyê ruhanî û çi ji aliyê civakî ve, serdana vê derê dikin. Vê carê hûn ji bo vê konferansê hatine, hûn dê çi mijaran gotûbêj bikin?

Xalid Nermo: Wekî ku hûn dizanin, mijara sereke ya konferansê piroliya li Kurdistanê ye. Kurdistan xwedî dîrokeke kevnar a bi dehan hezar salan e. Bê guman gelekî ew qas temendirêj, xwedî çandên cuda û paşxaneyeke olî û civakî ya dewlemend e. Ev piroliya ku ji kevn ve hebûye, heta serdema hevçerx berdewam kiriye û olên nû jî tevlî civaka Kurdistanê bûne.

Lê em Êzidî, wekî oleke resen û kevnar a Kurdistanê ku xwedî dîrokeke dûr û dirêj in û bi rêûresm, dab û nerîtên xwe hilgirên nasnameya olî ya Kurdistanê ne, xwe wekî xwediyê wê dîrokê dizanin. Loma em li vir in da ku vê kevnarbûn û paşxaneya olî, çandî û civakî di vê konferansê de nîşan bidin.

Em gelekî kêfxweş in ku li Kurdistanê curbicuriyeke olî heye. Ya herî girîng jî ew e ku Hikûmeta Herêma Kurdistanê îro wê piroliyê û wan çandên cuda diparêze. Li Kurdistanê azadiya olî, azadiya derbirînê û azadiya pêkanîna rê û resmên olî heye; bi taybetî jî olên resen ên Kurdistanê yên wekî Êzidîtiyê tên parastin.

Em vê rastiyê ji bo cîhanê û Kurdên li her çar goşeyên dinyayê vediguhêzin û dibêjin ku Hikûmeta Herêma Kurdistanê piroliyê diparêze. Kurdistan wekî baxçeyekî rengîn ê gulan e û bê guman di nava wê pirçandiyê de, guleke herî xweşik û resen jî Êzidî ne.

Rûdaw: Gelekî spas. Şêwirmendê Civata Ruhanî ya Lalişê Xalid Nermo li gel me bû.



Nûçeyên Têkildar

Bill Gates: Piştî 20 salên din robot dê xaniyan ava bikin û neştergeriyan jî bikin
Cîhan21-11-2026

Bill Gates: Piştî 20 salên din robot dê xaniyan ava bikin û neştergeriyan jî bikin

Şêx Murşid Xeznewî: Divê rengîniya olî bibe çavkaniya hêza Kurdan
Cîhan21-11-2026

Şêx Murşid Xeznewî: Divê rengîniya olî bibe çavkaniya hêza Kurdan

Kurdên li Munîhê 35 sal in bi navê ‘Lîsteya Kurdistanê’ têdikoşin
Cîhan21-11-2026

Kurdên li Munîhê 35 sal in bi navê ‘Lîsteya Kurdistanê’ têdikoşin

Pirsên