Li Qibrisê keştî bin av bû: 7 mirî û 23 winda

Hewlêr (Rûdaw) - Li bakurê Qibrisê keştiyek bin av bû û di bûyerê de 7 kes mirin û 23 kes jî winda ne.

Her wiha ji keştiya binavbûyî ya li peravên Gîrneyê 237 kes hatin rizgarkirin.

Keştiyeke rêwiyan ji Bendera Gîrneyê ya Qibrisê saet 12:30î ber bi Bendera Taşucuyê ya Mersînê ve bi rê ket.

Keştiya ku ya şirketeke taybet bû ji ber sedemeke nediyar av girt û bin av bû.

Di keştiyê de 267 kes hebûn.

Ji wan 237 kes hatin rizgarkirin û 7 kesan mirin.

Ji bo 23 kesan jî xebatên lêgerîn û rizgarkirinê didomin.

Xwe avêtin deryayê

Şahidên bûyerê ragihand ku piştî wergirtina avê, hinek rêwiyan xwe avêtiye deryayê.

Hat gotin ku belemên masîgiran ên li qadê jî tevlî xebatên rizgarkirinê bûne.