Hewlêr (Rûdaw) - Li Komara Afrîkaya Navîn kana zêr herifî û herî kêm 30 karker mirin.
Bûyer li derdora gundê Zamboyeyê yê nêzîkî sînorê Kamerûnê çêbû.
Li kana zêr a herêmê hez li axê ket û herî kêm 30 karkerên kanê mirin.
Her wiha gelek karker jî di bin axê de mane.
Li gorî daxuyaniya rayedarên cihî, ew kana zêr a ku ax lê heziyaye bi rêbazên kevn dihat xebitandin.
Tîmên lêgerîn û rizgarkirinê bi alîkariya şêniyên herêmê termên 30 karkeran ji bin axê derxistin.
Rayedaran da zanîn ku birîndar hatine veguhastin û tedawiya wan dest pê kiriye.
Hat ragihandin ku hîn jî gelek karker di bin axê de mane.
Xebatên lêgerîn û rizgarkirinê yên li herêmê berdewam dikin.
Berdevkê Hikûmetê Evariste Ngamana sersaxî ji malbatên karkerên mirî re xwest.
Evariste Ngamana diyar kir ku rayedar ji bo alîkariya lêqewimiyan xebatên xwe didomînin.
.webp&w=3840&q=75)
