Hewlêr (Rûdaw) - Federasyona Futbolê ya Tirkiyeyê ji ber ku valahiyên pêpelûkan ên li stadyumê vala nehatine hiştin, cezayekî giran ê pereyan da Amedsporê.
Desteya Dîsîplînê ya Futbolê ya Profesyonel (PFDK) a Federasyona Futbolê ya Tirkiyeyê biryara xwe ya derbarê maça Amedspor û Tumosan Konyasporê de eşkere kir.
Ev maç 17ê Çiriya Pêşîn a 2026an di çarçoveya hefteya 8an a Lîga Super de li Amedê hatibû lîstin.
Li gorî daxuyaniya ku ji aliyê desteyê ve hatiye dayîn, di wê maçê de valahiyên pêpelûkan vala nehatine hiştin.
Ji ber vê yekê, li gorî madeya 49/3yan a Rêwerza Dîsîplînê ya Futbolê 350 hezar lîreyên Tirk (nêzikî 7 hezar dolaran) ceza li Amedsporê hat birîn.
Di daxuyaniyê de hat destnîşankirin ku heman kiryar di sezona 2026-2027an de cara sêyem e tê ducarekirin û ev yek jî bûye hinceta wî cezayî.
