Hewlêr (Rûdaw) - Dema xebatê Komîsyonê ya Parlamentoya Tirkiyeyê 2 mehên din hat dirêjkirin.
Komîsyon bi serokatiya Numan Kurtulmuş 20emîn civîna xwe pêk anî.
"Pêdivî bi demê heye"
Serokê Parlamentoya Tirkiyeyê Numan Kurtulmuş diyar kir ku dema xebatê 31ê Kanûna Pêşîn diqede.
Kurtulmuş da zanîn ku ji bo xebatên Komîsyonê pêdivî bi demeke zêde heye.
Analîza axaftinan hat kirin
Di civînê de Prof. Dr. Havva Kok Arslan û Murat Sevecen li ser analîza axaftinên ku di civînên komîsyonê de hatine kirin pêşkêşiyek kir.
Havva Kok Arslan û Murat Sevecen li ser hevnêrîn, cudahî û pêdiviyên di nav gotinan de sekinîn.
Parlamenteran jî bal kişand ser pêşkêşî û pêdiviyan.
Biryar bi yekdengî hat dayîn
Di dengdana ku piştre hat kirin de biryar hat dayîn ku dema xebatê ya Komîsyonê 2 meh werê dirêjkirin.
Biryar bi yekdengî hat qebûlkirin û civîn bi dawî bû.
