Hewlêr (Rûdaw) - Serokê Şaredariya Navçeya Eyyupsultanê ya Stenbolê Mîthat Bulent Ozmen bi hinceta “gendeliyê” hat desteserkirin.
Di çarçoveya lêpirsîna gendeliyê ya Serdozgeriya Komarê ya Enqereyê de îro li dijî Şaredariya Eyyupsultanê ya CHPyê operasyonek hat kirin.
Di operasyonê de polîsan bi ser gelek navnîşanan de girt û di nav de Serokê Şaredariya Eyyupsultanê Mîthat Bulent Ozmen, bi tevahî 28 kes bi hinceta “gendeliyê” hatin desteserkirin.
Hat zanîn Serdozgeriya Komarê ya Enqereyê bi hinceta “endamtiya rêxistinê”, “wergirtin û dayîna bertîlê” û “gendeliya îhaleyan” derbarê 28 kesan biryara desteserkirinê daye.
Mîthat Bulent Ozmen ji parêzgeha Agiriyê ya Bakurê Kurdistanê ye û 31ê Adara 2024an ji Partiya Gel a Komarî (CHP) bûbû Serokê Şaredariya Eyyupsultanê.
