Encam hatin ragihandin: Li Hewlêrê 4 partiyan kursî bi dest xistin

Hewlêr (Rûdaw) - Di hilbijartinên Parlamentoya Îraqê de li Hewlêrê PDKyê 9 û YNKyê 3 kursî bi dest xistin.

Tevgera Helwestê ku di van hilbijartinan de bal kişand ser xwe, bi 2 kursiyan dê li Parlamentoya Îraqê bê temsîlkirin.

Komîsyona Bilind a Serbixwe ya Hilbijartinan a Îraqê encamên hilbijartinên ku doh li Îraq û Herêma Kurdistanê hatin kirin, ji raya giştî re ragihandin.

Li gorî wê, ji sedî 99,98ê dengan hatine hejmartin.

Li gorî daneyên Komîsyonê, li paytext Hewlêrê ji 1 milyon û 115 hezar û 122 hilbijêrên tomarkirî, 798 hezar û 986 kesan dengê xwe bi kar aniye.

Li Hewlêrê 107 deng wekî pûç hatin hesibandin û rêjeya beşdariyê ji sedî 71,65 bû.

Li Parlamentoya Îraqê 16 kursiyên Hewlêrê hene ku yek ji wan ji bo kotayê ye.

Dabeşkirina dengan li Hewlêrê

Partiya Demokrat a Kurdistanê (PDK): 369 hezar û 118 deng

Yekîtiya Niştimanî ya Kurdistanê (YNK): 97 hezar û 301 deng

Tevgera Helwest: 63 hezar û 288 deng

Nifşê Nû: 38 hezar û 911 deng

Yekgirtûya Îslamî ya Kurdistanê: 28 hezar û 650 deng

Komela Dadgerî ya Kurdistanê: 13 hezar û 772 deng

Bereya Gelê: 5 hezar û 584 deng

Eniye Tirkmenan a Îraqê: 1 hezar û 811 deng

Dabeşkirina kursiyan li Hewlêrê

PDK: 9 kursî

YNK: 3 kursî

Helwest: 2 kursî

Nifşê Nû: 1 kursî

Kota: 1 kursî