Şingal (Rûdaw) - Piştî çend salan ji çaverêkirinê, axa Şingalê careke din hembêza xwe ji 25 Kurdên Êzidî re vekir.
Hestiyên 25 Kurdên Êzidî yên ku bi destên DAIŞê hatibûn kuştin vegerandin Şingalê.
Ev karwanê 9an ê qurbaniyan e û vegerandina van hestiyan hêviyeke nû da xizmên wan û dawî li êşa çaverêkirina wan anî.
Di merasîmê de, hestî radestî malbatên wan hatin kirin da ku li Şingalê werin veşartin.
Nasnameyên qurbaniyan li Bijîşkiya Dadê ya Bexdayê hatibûn diyarkirin.
Ev pêngav wekî destpêkeke nû ji bo kewandina birînan û pêkanîna dadperweriyê tê dîtin.
Xizmên qurbaniyan tekez dikin ku ew hîn jî li benda vegera hemû ezîzên xwe ne.
Tevî vê yekê jî, ew vegerandina vî karwanî wekî pêngaveke girîng û dilxweşker dibînin.
Xatûn Seydoyê ku yek ji xizmên qurbaniyan e got:
"Êdî em dikarin bi serbilindî biçin serdana gora ezîzên xwe."
Ev yek hêviyê dide ku dê hewlên ji bo diyarkirina çarenivîsa hemû windayan berdewam bin.
Heta niha hestiyên gelek Şingaliyan winda ne.
Vegerandina her karwanî, pêngavek e ber bi aramî û dadperweriya ji bo Kurdên Êzidî.
Ev yek dilniyayiyê dide malbatan ku zarokên wan nehatine jibîrkirin û hewlên ji bo vegerandina hestiyên hemûyan xebat tên meşandin.
Ji sala 2014an ve li Şingalê 96 gorên bikom hatine dîtin.
