Hewlêr (Rûdaw) - Serok Mesûd Barzanî li Pîrmamê Konsulê Giştî yê nû yê Fransayê yê Hewlêrê Emmanuel Mignot qebûl kir.
Baregeha Barzanî li ser civînê daxuyaniyek da.
Li gorî daxuyaniyê, Serok Barzanî ji ber destbikaririna wî li Konsulê Giştî yê nû yê Fransayê pîroz kir û jê re serkeftin.
Pêwendiyên dîrokî yên Kurdistan û Fransayê
Serok Barzanî di hevdîtinê de qala çend rawestgehên girîng ên pêwendiyên dîrokî yên di navbera gelê Kurdistanê û gelê Fransayê de kir.
Serok Barzanî ev pêwendî wekî pêwendiyeke "dostane û bihêz" bi nav kirin.
Konsulê Giştî yê nû yê Fransayê yê li Hewlêrê jî tekez kir ku ev pêwendî û dostaniya dîrokî dê bidome.
Mignot da zanîn ku ew dê li ser rêça konsulên berê bixebite da ku van pêwendiyan di warên cuda de bi pêş bixe.
Erkê Hêzên Hevpeymanan û pêwendiyên bi Bexdayê re
Di beşeke din a hevdîtinê de bipêşketinên dawî û rewşa herêmê hatin nirxandin.
Her wiha di civînê de pêwendiyên di navbera Hewlêr û Bexdayê de û mijara bidawîhatina erkê Hêzên Hevpeymanan a li Îraqê hatin gotûbêjkirin.
