Hewlêr (Rûdaw) - Tîmên Birêvebiriya Avê ya parêzgeha Hisîçayê, li navçeya Til Temirê dest bi rakirina destwerdanên neyasayî û binpêkirinên li ser xeta ava Elokê kir.
Ev gav amadekariyek e ji bo ku di rojên pêş de xeta avê ji nû ve bikeve xizmetê û pompekirina avê dest pê bike
Ev yek piştî ku karên teknîkî yên pêwîst bi dawî bibin dê were pêkanîn.
Di çarçoveya van xebatan de, tîman li seranserê xeta avê kontroleke meydanî pêk anî.
Armanca vê kontrolê ew e ku hemû astengên li ber bikarxistina torê werin rakirin.
Bi vî awayî dê amadebûna xetê û herikîna avê were misogerkirin.
Ev xebat di çarçoveya plana birêvebiriyê ya ji bo nûkirin û çalakkirina xetê de tên meşandin.
Stasyona Elokê çavkaniya sereke ye
Ev hewldan di demekê de didomin ku pêdiviya şêniyan a bi avê her ku diçe zêdetir dibe.
Çimkî Stasyona Elokê ji bo bajarê Hisîçayê, gundewarên wê û navçeya Til Temirê çavkaniya sereke ya dabînkirina avê ye.
Aliyên pêwendîdar eşkere kir ku tîmên xebatê dê xebatên xwe bidomînin heta ku hemû mercên teknîkî pêk bînin.
Bi vî awayî xeta avê dê di rojên pêş de ji nû ve dest bi xebatê bike.
