.webp&w=3840&q=75)
Hewlêr (Rûdaw) - Serokê Parlamentoya Îranê Mihemed Baqir Qalîbaf, li ser encamên nefermî yên hilbijartinên navîn ên Kongreya Amerîkayê axivî.
Qalîbaf bal kişand ser bidestxistina piraniyê ya Demokratan a li Senatoyê û got, “Gelê Amerîkayê ji şer re got na û em jî piştgiriyê didin vê peyamê.”
Serokê Parlamentoya Îranê Qalîbaf, bi rêya hesabê xwe yê Xê encamên nefermî yên hilbijartinên navberê yên Amerîkayê nirxandin.
Mihemed Baqir Qalîbaf di peyama xwe de wiha got:
"Eger hikûmeta Amerîkayê ji bo xizmetkirina navendên hêzên navneteweyî û şantajkeran çavê xwe ji îradeya gelê xwe re bigire, ew dê fêr bibe ku gotina Îranê ya 'na' dê bi kabûsekê re bê."
Qalîbaf di berdewamiya daxuyaniya xwe de got, "Gelo ev meseleyeke wicdanî ye yan jî ya mesrefan e? Gelê Amerîkayê ji şer re got na û em jî piştgiriyê didin vê peyamê."
Li gorî encamên nefermî yên hilbijartinên navberê yên Kongreya Amerîkayê, Demokrat gihîştin 51 kursiyan.
Bi vî awayî Demokratan li Senatoyê piranî bi dest xist.
