کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Çand û Huner

Çîroka ‘Sînanê Kirîv’ bû roman

Ferdî Sak

Ferdî Sak

22-11-2026
Guhdarî bike
0:00
0:00
Mezinahiya Nivîsê
Ferdî Sak
Ferdî Sak22-11-2026

Nûçeyên Têkildar

Xêro Abbas li Amedê derdikeve ser dikê
Çand û Huner22-11-2026

Xêro Abbas li Amedê derdikeve ser dikê

Pirtûka wêneyan a Hesen Mela li Almanyayê 'Xelata Zîvîn' stand
Çand û Huner22-11-2026

Pirtûka wêneyan a Hesen Mela li Almanyayê 'Xelata Zîvîn' stand

Li Şingalê Festîvala Dengbêjî û Govendê tê lidarxistin
Çand û Huner21-11-2026

Li Şingalê Festîvala Dengbêjî û Govendê tê lidarxistin

Hewlêr (Rûdaw) - Li navçeya Siwêregê ya parêzgeha Rihayê ya Bakurê Kurdistanê, çîroka evîna nîvcomayî ya Sînan û Sakîneyê ku bi nifşan e li herêma Qerejdaxê tê vegotin, bû roman.

Rojnameger û nivîskar Mevlut Bayraktar piştî lêkolîn û xebata zêdetirî du salan ev çîroka evînê kir roman û bi zimanê Tirkî gihand ber destê xwîneran.

Çîroka trajîk a van her du ciwanên Kurd ên ji du baweriyên cuda, derdora salên 1950yî li herêma Qerejdaxê derbas dibe.

Roman ji aliyekî ve behsa astengiyên li pêşiya evîna wan dike û li aliyê din jî çand, kevneşopî û pêwendiyên civakî yên navçeyê bi berfirehî radixe ber çavan.

Çîroka ku di kilamên Sînanê Kirîv de dijiya

Ev çîroka evînê bi salan e di kilamên dengbêjan û stranên hunermendên wekî Şivan Perwer û Gulîstan Perwerê de tê zindîkirin.

Gotinên strana navdar a "Sînanê Kirîv" ku Gulîstan Perwer jî dibêje behsa wê eşqa ku ji ber kirîvantiyê negihîştiye hev dike û tê de tê gotin:

“Heyran çi bikim Xwedê bişewitîne mala kirîvantiyê / De dibêjin zewaca kirîvan lo li hev nabe lo.”

Mevlût Bayraktar: Çîrokeke destanî bû

Nivîskar Mevlut Bayraktar li ser serpêhatiya nivîsandina romanê wiha axivî:

"Serpêhatiya romanê vedigere nêzîkî du salan berê. Em di kilamên gelêrî û stranên ku hunermendên wekî Şivan Perwer û Gulîstanê digotin de rastî vê çîroka evînê dihatin. Min jî dest bi lêkolînkirina vê çîrokê kir.

Dema ku min lêkolîn kir, ez bi çîrokeke evînê ya bibandor û destanî re rû bi rû mam ku bûye malê navçeyê. Min got ez çima vê çîrokê nenivîsim û nekim roman?"

Masiyên spî yên Gola Hemoyê bûn sembol

Di çîrokê de Sînan xortekî ji baweriya Êzidî û Sakîne jî keça malbateke Misilman e.

Ji bilî cudahiya baweriyê, pêwendiya kirîvantiyê ya di navbera her du malbatan de jî dibe astengiyeke mezin li pêşiya gihîştina hev a van her du ciwanan.

Masiyên spî yên li Gola Hemoyê di nava çîrokê de wekî sembola evînê tên nîşandan û ji ber wê jî nivîskar navê romanê kiriye "Beyaz Balık" (Masiyê Spî).

“Ev pirtûk bîra çandî ya herêmê ye”

Xwîner Alî Yunus jî girîngiya berhemê ji bo herêmê wiha nirxand:

"Ev pirtûk ne tenê çîrokeke evînê ye, di heman demê de bîra çandî ya herêmê ye.

Gola Hemoyê û masiyên spî bûne sembola vê evînê. Ev berhem ji bo parastina çanda devkî ya herêma me gelekî bi qîmet e û êdî çîrokeke me ya nivîskî heye."

Romana "Masiyê Spî" di du cildan de hatiye amadekirin.

Niha cildê yekem bi naverokeke dewlemend li ber destê xwîneran e û biryar e cildê duyem jî di mehên pêş de li refên pirtûkxaneyan cih bigire.

Nûçeyên Têkildar

Xêro Abbas li Amedê derdikeve ser dikê
Çand û Huner22-11-2026

Xêro Abbas li Amedê derdikeve ser dikê

Pirtûka wêneyan a Hesen Mela li Almanyayê 'Xelata Zîvîn' stand
Çand û Huner22-11-2026

Pirtûka wêneyan a Hesen Mela li Almanyayê 'Xelata Zîvîn' stand

Li Şingalê Festîvala Dengbêjî û Govendê tê lidarxistin
Çand û Huner21-11-2026

Li Şingalê Festîvala Dengbêjî û Govendê tê lidarxistin

Pirsên