Hewlêr (Rûdaw) – Sibe benzîn bi qasî 1,50 lîreyan û mazot jî bi qasî 1,30 lîreyan biha dibe.
Li Tirkiye û Bakurê Kurdistanê piştî ku bac hatin zêdekirin û lîreyê Tirkî bêqîmet bû, mazot û benzîn her ku diçe bihatir dibin.
Piştî zêdekirina bacê, benzîn û mazot jî çend caran biha bûn.
Di nav hefteyekê de duyemîn car e benzîn û mazot biha dibin.
Li gorî medyaya Tirkiyeyê, sibe benzîn bi qasî 1,50 lîreyan û mazot jî bi qasî 1,30 lîreyan biha dibe.
Piştî vê girankirinê bihayê lîtreyeke benzîn û mazotê 44 lîreyan derbas dike.
Benzîn
Bi bihayên nû re, lîtreya benzînê li Stenbolê dibe 43,58 lîre, li Enqereyê dibe 44,29 lîre û li Îzmîrê jî dibe 44,49 lîre.
Mazot
Bihayê lîtreyeke mazotê jî li Stenbolê dibe 43,20 lîre, li Enqereyê dibe 44,01 lîre û li Îzmîrê jî dibe 44,21 lîre.
Li gel bihayên nû, piştî hilbijartinên Parlamentoya Tirkiyeyê yên 14ê Gulana 2023yan rêjeya bihabûna mazotê ji sedî 100 derbas kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse