نزامەدین ئارنج ئەو ھونەرمەندی ژیانا خوە تەرخان کری ژ بو خزمەتا کوردستانێ و ل پێناڤ وئ چەندێ ٣٦ سالان ژ بەر سترانەکا کوردی ژ تورکیا رەڤی و بوو پەنابەر ل وەلاتێ ئەلمانیا، نزامەدین ل سالین حەفتیان وەک ستێرەک ھونەری ل تورکیا دھاتە ناسکرن دبێژت: ڤیرا چ قاس سارا مرۆڤین ڤرا ھین سارترن.
نزامەدین د ژیانا خوە یا ھونەری دا شیا ل وارین موزیک، ستران و سینەمایی دا بێتە ناسکرن نە بەس ل کوردستانێ بەلکو ل ناڤ گەلین جیھانێ ژی و پر جاران ژی ب تبلین خوە تابلویان دروست دکەت و رەنگ و جوانیا کوردستانی وینە دکەت، غریبا دووری وەلات د ناڤ ھونەری وی ب گشتی رەنڤ ڤەدایە.
دەربارەی غەریبیی دبێژت: من مرنا دایک و بابی خوە نە دیت، لی ھەزرەتا من یا ھەری مەزن ئەوە ئەز یەکبوون و ئازادیا کوردستانێ بیینم.
ژبلی رولی وی یی گرنگ د واری موزیک و سترانی دا شیا جھی خوە د سینەمای ژی بکەت وەک دەرھێنەر،ئەکتەر و دابەشکرنا موزیکی بو فلمان و ئێکەم فیلم ب زەمانی کوردی ل سالا ١٩٩٢ێ چێکر ب ناڤێ کلامەک ژ بو بەکو و شیا بەشداری چەندین فیستەڤالێن ناڤدار بت و خەلاتان ب دەست خوە ڤە بێنت.
پرانیا جاران ئەو ب نزامەدین نائیتە ناسکرن بەلکو ب فەقی تەیران تیت ناسکرن ژ بەر کو نزامەدین عاشق و شیدایی ھەلبەستڤانێ مەزنی کورد فەقیی تەیرانە.
دیسان عاشقی ستران و موزیکا رەسەنا کوردی یە و رەنگ و پەیڤین وی تامەکا کوردی یا مویردن ھەیە و نیزیکی ١٢٠٠ سترانا ئامادەکرنە و ئەرشیف کرنە لی ژ بەر بی پشتەڤانی نە ھاتینە تومارکرن.
