رووداو- ئەنقەرە
ئەحمەد داو ئۆغڵو 26-2-1959 لە شاری کۆنیا لە تورکیا لەدایکبووە.
لە ساڵی 2009 وەک وەزیری دەرەوەی تورکیا کاری کردووە.
ژیانی خوێندن:
1- ئەحمەد داود ئۆغڵو ئامادەیی ئیستەنبوڵی کوڕانی تەواوکردووە.
2- لە ساڵی خوێندنی 1983-1984 لە زانکۆی بۆغازیچی لە شاری ئیستەنبوڵ دەستی بە خوێندنی بەشی ئابووری و سیاسەت و پەیوەندییە نێودەوڵەتییەکان کردووە.
3- لەبەشی سیاسەت و پەیوەندییە نێودەوڵەتییەکانی هەمان زانکۆ بڕوانامەی ماستەر و دکتۆرای وەرگرتووە.
4- لەساڵی 1990 لە زانکۆی مالیزیای نێودەوڵەتی ئیسلامی وەک پڕۆفیسۆری یاریدەدەر دەستبەکاردەبێت و دواتریش بەشی سیاسەت لەو زانکۆیە دەکاتەوە، پاشان لە ساڵی 1993 دەبێتە سەرۆکی ئەو بەشە.
5- لەنێوان ساڵانی 1995-1999 لە زانکۆی ماڕمەڕە لەبەشی پەیوەندییە نێودەوڵەتییەکان کاری کردووە.
6- لە نێوان ساڵانی 1998-2002 لەبەشی ئەکادیمیای سەربازی و ئەکادیمیای جەنگ وەک وانەبێژ کاری کردووە.
ژیانی سیاسی
1- ئەحمەد داود ئۆغڵو ئەندامی پارتی داد و گەشەپێدانی دەسەڵاتدارە لە تورکیا و لەسەر لیستی ئەو پارتەش وەزیری دەرەوەی وڵاتەکەیەتی.
2- داود ئۆغڵو لەماوە سەرۆککۆماری ئەحمەد نەجدەت سیزار و لەماوەی سەرۆکوەزیرانی عەبدوڵڵا گیول لە ساڵی 2003 وە وەک راوێژکاری حکومەتی تورکیا بۆ کار و باری سیاسەتی دەرەوە دەستی بەکارکردووە.
3- بووەتە راوێژکاری رەجەب تەیب ئەردۆغانی سەرۆکوەزیرانی تورکیا بۆ کاروباری دەرەوە.
4- لە ساڵی 2009 دەکرێت بە وەزیری دەرەوەی تورکیا.
ژیانی كۆمەڵایەتی
ئەحمەد داود ئۆغڵو خێزاندارە و خاوەنی 4 منداڵە.
هەریەکە لە زمانەکانی عەرەبی و ئینگلیزی و ئەڵمانی دەزانێت.
خاوەنی یەکێک لە پەرتووکە ناودارەکانی تورکیایە لەسەر پەیوەندییە نێودەوڵەتییەکان بە ناونیشانی ( قوڵایی ستراتیژی).
خاوەنی تێزی "سفر کێشەیە" لە پەیوەندییەکانی دەرەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ