ئەریحا.. 20 كەس بەهۆی كەوتنەخوارەوەی فڕۆكەیەكی جەنگی گیانیان لەدەستدا

رووداو - ئاژانسەکان

بەیانی ئەمڕۆ دوو شەممە، بەهۆی كەوتنەخوارەوەی فڕۆكەیەكی جەنگی لە شاری ئەریحا-ی سەر بە پارێزگای ئەدلەب كە لەژێر دەستی چەكدارانی ئۆپۆزسیۆنە زیاتر لە ٢٠ کەس کوژران و ١٠٠ی دیکەش برینداربوون.

تۆڕی " سووریا موباشیر" لە زاری شایەتحاڵانەوە باسی ئەوە دەکات " ئەمڕۆ 3ی ئاب بەهۆی كەوتنەخوارەوەی فڕۆكەیەك لە بازاڕێكی قەرەباڵخی سەوزەفرۆشتن ژمارەیەك كەس كوژراو و برینداربوونە".

وەكو لە وێنە و گرتە ڤیدیۆییەكان كە چالاكوانان لە تۆڕی كۆمەڵایەتی توویتەر بڵاویانكردووەتەوە دەردەکەوێت، بەهۆی كەوتنەخوارەوەی فڕۆکەكە زیانی زۆر بەو شوێنە گەیشتووە ، "تۆڕی سووریا"ش دوای رووداوەكە رایگەیاندووە كە "فڕۆكە سوورییەكە بەهۆی هەڵەیەكی تەكنیكییەوە كەوتووەتە خوارەوە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger