هێڵی پشتیوانی داعش لەڕێگەی دێرەزوور بۆ عێراق پچڕا

رووداو -  ئاژانسەکان

دەستەی ئەرکانی گشتیی رووسیا رایدەگەیێنێت، فڕۆکە جەنگییەکانیان ژمارەیەک هێرشی ئاسمانیان بۆسەر پردێک لەسەر رووباری فورات ئەنجامداون و پردەکەیان تێکشاندووە. ئاماژە بەوەش دەدات بە تێکشکاندنی ئەو پردە هێڵی پشتیوانی داعش بۆ عێراق بچڕاوە.

ئەندریە کارتابۆلۆڤ، بەڕێوەبەری فەرمانگەی ئۆپەراسیۆنە سەرەکییەکان لە دەستەی ئەرکانی گشتیی هێزە چەکدارەکانی رووسیا، رۆژی پێنجشەممە 22ی تشرینی 2015 لە کۆنگرەیەکی رۆژنامەڤانیدا رایگەیاند "پێگەی سەرەکی بۆ زنجیرە پشتیوانییەکانی داعش پردێکە لەسەر رووباری فوڕات لە دێرەزوور، فڕۆکەوانە رووسییەکان ئەمڕۆ ژمارەیەک هێرشیان بۆسەر پردەكە ئەنجامداون، بەو هۆشەش لەكاركەوتووە و ئێستا ناتوانرێت بۆ گواستنەوە سوودی لێوەربگیرێت".

بەپێی گوتەکانی کارتابۆلۆڤ "فڕۆکە بێفڕۆکەوانەکانی رووسیا چاودێری ئەو رێگایەیان کردووە و، دەركەوتووە كە لەو رێگەیەوە چەک و تەقەمەنی بۆ چەکدارانی داعش لە عێراق گواستراوەتەوە".

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger